Drejtori i Pergjithshem

Prof. Dr. Shaban Memia 

Agjencia e Legalizimit, Urbanizimit dhe Integrimit të Zonave/Ndërtimeve Informale, në Republikën e Shqipërisë, më poshtë e quajtur ALUIZNI, është institucion qendror, person juridik, publik, në varësi të Ministrit të Punëve Publike, Transportit dhe Telekomunikacionit. Inicimi nga Qeveria Shqiptare i një programi reformash mbi pronësinë, ka synuar realizimin paralelisht, në shkallë frontale, të formalizimit tërësor të ekonomisë, kthimit të pronave në favor të pronarëve të ligjshëm dhe në rast pamundësie, kompensimit me vlerën reale të tregut, regjistrimin e pasurive të paluajtshme sipas standarteve moderne, urbanizimin dhe integrimin e zonave informale me ritmet e zonave më të zhvilluara të vendit. Implementimi i këtyre reformave është paraprirë nga hartimi dhe miratimi i një kuadri ligjor komplementar, që përcakton në mënyrë të qartë detyrimet e palëve të përfshira për zbatimin e këtyre reformave.